Kannski að folinn elti....

Það er nú kannski spurning um hvort að folinn Össur fylgi ekki hryssunni og folaldinu út úr ríkisstjórninni....? en kannski á forsendum folans.....!

Segir Össur sýna VG fyrirlitningu

Gott að forrgangsröðin er í lagi hjá háttvirtu Alþingi.....!

Mikið er nú gott að sjá hvað blessaðir þingmennirnir okkar eru ákveðnir í að leysa brýnustu vandamálin sem þjóðin er að glíma við. Þetta bráðnauðsynlega verkefni á vafalaust eftir að skapa þjóðinni gríðarlegar tekjur með því að draga erlenda ferðamenn til landsins auk þess að spara landanum stórfé, allavega þeim sem hafa efni á að heimsækja þessa frábæru fallegu staði næstu árin....

Gaman væri að sjá hvaða 150 staðir það eru sem verið er að vísa til í þessari tillögu og einnig kostnaðar og rekstraáætlun fyrir verkefni, því varla er tillagan sett fram án þess að þingmennirnir geri grein fyrir þeim kostnaði sem fellur á verkefni og þeim tekjumöguleikum sem þetta skapar....

Vilja vefmyndavélar á Íslandi

Endurskoðunarskrifstofurnar líka....

Það hefur nú verið nokkuð ljóst frá hruni bankanna að fínu enduskoðunarskrifstofurnar bera nokkra ábyrðg á því hvað bankarnir komust langt við svikum sínum og prettum. Kannski að þær rétti fram sáttarhönd og bjóðist til að greiða þann klafa sem lögð er á íslenska þjóð....? Ef ekki mætti alveg hugsa sér að ríkið svipti þá starfsleyfi hér á landi úr því að þessar stofur hafa ekki staðist þær gæðkröfur sem eðlilegt er að gerðar séu til þeirra...! Fjármálaráðherra væri maður að meiri ef hann tæki á sig þá rögg að ganga í það mál.

Bankarnir eiga að borga Icesave

Nýtt hagstjórnartæki...?

Þetta er kannski nýtt hagstjórnartæki vinstri velferðarstjórnarinnar? Minnir svolítið á Kína, þar sem þeir sem búa í borgum mega víst bara eiga eitt barn. En það er nú komið aðeins aftan fólki að með því að greina ekki frá þessu fyrr, því væntanlega eru einhver börn nú þegar á leiðinni. Það hefði mátt gefa fólki tækifæri til að skipuleggja sínar barneignir með tilliti til þessa... Þá hefðum við kannski fengið "barnlaust ár" svona til minningar um hrunið.... Þá hefði mátt skipuleggja árleyfi kennara í samræmi við þetta í framtíðinni.... Kannski er þarna verið að klúðra nokkuð skemmtilegu tækifæri í félagsfræðirannsóknum framtíðarinnar.... ríkisstjórninni tekst því greinilega að klúðra fleiru en efhagsmálunum og uppbyggingunni..... eða hvað...???

Fæðingarorlof skert á næsta ári

Spurning hverjir hanna hrunið og fyrir hverja....?

Það má kannski velta því fyrir sér hverjir það eru sem stjórna því að bankar og fjármálakerfi eru látin hrynja, t.d. þegar lán eru gjaldfelld þó að afleiðingin sé augljós....? Eru svona ákvarðanir kannski teknar af þeim sem eiga fé til þess eins að þeir eða aðilar þeim tengdir geti komist yfir eignir og annað sem fer á "brunaútsölu" í kjölfar svona atburða...? Niðurstaðan virðist alla vega verða sú, að þeir ríkari auðgast stöðugt á kostnað þeirra sem minna mega sín og á kostnað þjóðarinnar. Það er nefnilega einhvern vegin þannig að ákveðnir aðilar virðast alltaf vera í þeirri stöðu að þeir raka að sér fé og eignum á kostnað almennings....

Í kjölfar klúðursins á Alþingi í síðustu viku gæti verið athugandi að koma hér upp "Þjóðþingi" sem tæki við hlutverki Alþingis. Pólitíkin á núverandi Alþingi er augljóslega gjaldþrota í víðasta skilningi þess orðs. Niðurstaða þess þingis í flestum málum endurspeglar alls ekki vilja þjóðarinnar og því er umboð þess greinilega orðið veikt og seta margra þingmanna í rauninni orðinn hálfgerður skrípaleikur. Þetta gæti verið allt í lagi ef hlutverk Alþingis yrði endurskilgreint og þingmenn færu á einskonar "listamannalaun" og þingið þá skilgreint sem leikhús....!!! Því varla tekur nokkur maður ríkisstjórnina eða Alþingi alvarlega lengur, eða hvað....???

Auðmenn græða á uppboðum

Nýta beitarlöndin en vilja ekki leyfa okkur að veiða...!

Þetta er nú eins og annað þarna hjá þessu ESB. Þeir reka makrílinn til beitar inn á Íslandsmið og ætlast svo til að við tökum ekkert fyrir að fæða þennan stofn, heldur leyfum feitum oföldum fiskunum að synda til baka svo skip ESB geti veitt fiskinn og hagnast á veiðunum. Þetta minnir nú að hugsanahátt þeirra sem rændu bankana innan frá. Höfum við ekki fengið nóg af svona félagsskap....?

ESB lætur hart mæta hörðu

Eru þá ekki fangesli óþörf....?

Þetta skýtur nú svolítið skökku við í miðri umræðu á nauðsyn þess að byggja fangelsi að heyra svo frá þingmönnum að það nægi þeim að ljúka málum með skýrslu. Kannski ekki svo vitlaust hugmynd þegar allt kemur til alls. Þannig mætti ljúka vandamálum kirkjunnar með skýrslu og allendis óþarfi að vera að eltast við þá sem komu þjóðinni á kaldan klaka með því að ræna banka innanfrá, eða gildir eitthvað annað með þá 80 milljarða sem kastað var út um gluggan "til að bjarga Glitni" og einhverjum 200 milljónum, eða hvað þær voru margar, sem Seðlabankinn glataði.....

Kannski Alþingi ætti að fara vel yfir það í vikunni hvað hægt er að spara með því að ljúka sem flestum sakamálum með skýrslu, en að standa í því að bygga nýtt fangelsi. Varðandi erlenda sakamenn, þá er ekkert annað en að afhenda þeim flugmiða og senda þá úr landi og sjá til þess að þeir komi ekki hingað til lands aftur. Þessi hugmyndafræði þingmannins er allrar athygli verð og gæti sparað þjóðarbúinu stórfé.....

Hefur ekki sannfæringu fyrir ákærum

Ný stjórn S-flokkanna í burðarliðnum....?

Er það ekki nokkuð ljóst eftir Kastljós kvöldsins að í undirbúningi er ný stjórn bandalags hrunstjórnarflokkanna....? Alla vega var nokkuð ljóst að varaformaður Sjálfstæðisflokksins vildi ekki styggja sitjandi forsætisráðherra, enda liggur það í loftinu að S-flokkarnir vilja verja sína gömlu ráðherra og foringja með öllum meðulum.

Hrunið verður aldrei gert upp nema það gangi þá leið sem því er ætlað og Landsdómur fái tækifæri til að fjalla um það, nema ráðherrarnir fyrrverandi játi á sig sakir viljandi vits, biðjist afsökunar á því að hafa ekki staðið betri vörð um þjóðarhag en þeir gerðu. Þá og þannig er unnt að grafa málið, þó það gleymist kannski seint. Það er enginn að biðja um þungar refsingar til handa ráðherrunum fyrrverandi, en úr því að menn eru dæmdir fyrir að stela kjötlæri í stórmarkaði þá skítur það svolítið skökku við ef ráðherrar komast upp með það refsingarlaust að hreyfa hvorki legg né lið til að reyna að afstýra a.m.k. hluta af fyrirsjáanlegu tjóni með dyggri hjálp og aðgerðarleysi Seðlabanka og fjármálaeftirlits.

Ræða Jóhönnu mikil vonbrigði

Trúverðugleiki eða heilaþvottur....?

Ekki vil ég trúa því að þingmenn Sjálfstæðisflokksins séu slíkar heilaþvegnar hópsálir að þeir sjái ekki flísina í eigin auga. Fyrir hverja telja þeir sig starfa, almenning í þessu landi eða nokkra útvalda....?

Það hlýtur að vera flestum ljóst að ríkisstjórnin brást sínu hlutverki gjörsamlega í aðdraganda hrunsins og stóð ekki þann vörð um hagsmuni þjóðarinnar sem henni bar. Ef þeir sem sátu í ráðherraembættum á þeim tíma bera enga ábyrgð, hverjir gera það þá...? Og er það trúverðugt ef þeir sem voru ráðherrar í "hrunstjórninni" greiða atkvæði í þinginu um sekt eða sakleysi f.v. samráðherra sinna....? Ég leyfi mér að efast um að varðhundur, sem ekki geltir þegar þjófar gera atlögu að húsi húsbónda síns, hefði atkvæðisrétt í þegar mál hans yrði tekið fyrir.....

Trúnaðarskjöl í þremur möppum

Þá borgar Steingrímur.....

Þetta er nú ekki alveg í takt við það sem forsetinn var að segja, eða hvað... Hann virðist hlusta betur á þjóðina en ráðherrarnir í ríkisstjórninni. Ef það er eitthvert vafamál með það hvort íslensk þjóð eigi að borga skuldir óreiðumanna, þá er réttara að láta það mál fara sína leið fyrir dómstólum fremur en að einhverjir ráðherrar séu að lofa að borga því ráðherrar hafa eru framkvæmdastjórar sem sækja umboð sitt til Alþingis og það er Alþingis í umboði þjóðarinnar að ákveða hvað þjóðin borgar en ekki einstakra ráðherra, hverju nafni sem þeir nefnast. Ef ráðherrar fara ekki að vilja Alþingis og þjóðar, nú þá liggur þeirra leið til Landsdóms sem sker úr um lögmæti embættisverka þeirra, eða þannig þyrfti það kannski að vera.....

Hvað einsktaka ráðherrar ákveða hver fyrir sig að þeim finnist sanngjarnt að þeir borgi prívat og persónulega er kannski þeirra einkamál, en þjóðin vill ekki borga nema það sem henni ber með sanngjörnum hætti.

Steingrímur: Íslendingar munu borga