Staða flugfélaga hlýtur að vera betri en almenningur heldur

Flugmenn Icelandair slást þarna í hóp flugmanna og flugliða hjá British Airways og væntanlega fleirum sem boðað hafa eða íhuga verkföll.

Þeir hljóta að hafa upplýsingar um að flugfélögin standi betur en að hefur verið látið liggja og að vinnuveitendur þeirra hafi bolmagn til að greiða hærri laun. Varla færu þeir í svona aðgerðir nú á "krepputímum" til að knésetja þau fyrirtæki sem þeir vinna hjá....?

Flugmenn samþykkja verkfall

Athugasemdir

[Anna Sigríður Guðmundsdóttir, 22.1.2010 kl. 18:29]

Ómar. Víða eru skemmd epli. Við þurfum að taka til í eplakassanum. Við verðum að standa saman um þá tiltekt.  M.b.kv. Anna

[Hjörleifur Jóhannesson, 22.1.2010 kl. 22:05]

Ómar. Flugmenn Icelandair eru ekki að fara fram á hærri laun. Það kemur skýrt fram í öllum fréttum. Það er bitist um tvö helgarfrí annan hvern mánuð. Flugmenn eru eina vaktavinnustéttin á Íslandi sem ekki hefur nema eitt tryggt helgarfrí í hverjum mánuði. Ekki er ég viss um að margir myndu sætta sig við að fá t.d. fríhelgi fyrstu helgina í júní og svo næsta helgarfrí þá síðustu í júlí.   Einnig er tekist á um tryggingaákvæði sem Icelandair breytti einhliða. Það að ekki skuli nást samningar fyrr en þrjár starfsstéttir hafa boðað verkfall, segir meira um stefnu fyrirtækisins en margt annað. Samningar flugmanna hafa verið lausir í heilt ár.      verð að viðurkenna að ég skil ekki þetta með eplin. 

[I I (IP-tala skráð) 23.1.2010 kl. 12:21]

Svo skil ég ekki fólk sem er að væla yfir því að flugmenn eru háttlaunaðir...

Það var og er ekkert sem stoppar þetta sama fólk að fara að læra flug og ná sér í háttlaunað starf....

Ef þú ert leikari JÁ, þá ertu frægur..... ef þú er lögfræðingur JÁ, þá ertu ríkur...

Það er ekkert sem stoppar fólk að verða það sem það vill nema það sjálft

[Jón Bragi Sigurðsson, 23.1.2010 kl. 13:14]

Samkvæmt Frjálsri Verslun eru meðallaun flugmanna um það bil 1 milljón á mánuði (ráðherralaun og rúmlega það).

Það er alveg dæmigert að það eru hæst launuðustu stéttirnar svo sem læknar og flugmenn sem eru fyrstir til að hóta með verkföllum, brottflutningi og öðru slíku á meðan láglaunastéttirnar sitja á sér og taka tillit til ástandsins.

Og varðandi þessi helgarfrí sem er stillt upp eins og grafalvarlegri spurningu um mannrétti. Ég vann um árabil sem strætóbílstjóri og eðli vinnunnar samkvæmt fékk maður skema þar sem helgarnar gátu lent alla vega. Stundum var maður kannske í fríi föstudag og laugardag, en stundum kannske sunnudag, mánudag og þriðjudag. Stundum vann maður alla helgina og stundum slampaðist það þannig að fríið kom á laugardag og sunnudag. Við fengum (eins og væntanlega flugmenn líka) að sjálfsögðu vaktauppbót og aldrei heyrðist neitt væl um mannréttindabrot.

Það er ekki hægt að ráða sig í vaktavinnu og fá fyrir það álag (álag flugmanna virðist vera vel útilátið eftir því sem þeir ná þessum tekjum) og vera svo að heimta að vinnutíminn sé eins og hjá 9-5 fólki.

Verða næstu kröfur eins og þær sem sagt var í gríni að vélstjórar á skipaflotanum hefðu sett fram einhvern tíman: Steikt egg á morgnana og glugga mót suðri?

[Ómar Bjarki Smárason, 23.1.2010 kl. 15:29]

Það er ágætt ef þetta snýst bara um tilhögun vinnutíma og það er vonandi hægt að laga án þess að Icelandair eða önnur flugfélög séu sett á hausinn. Og ég skal nú alveg viðurkenna að ég hef samúð með flugmönnum á vissan hátt vegna óreglulegs vinnutíma og í raun mikils óöryggis í starfi. Og svo er þetta nám rándýrt og óvíst með vinnu þegar námi lýkur.

Það er í raun nauðsynlegt vegna flugöryggis m.a. að starfsöryggi og stöðugleiki sé sem mestur í stétt flugmanna og óheppileg þróun að vissu leyti og væntanlega óhagræði og orkusóun á heimsvísu hvernig flugið hefur þróast með tilkomu skammlífra lággjaldaflugfélaga. En svona er hinn frjálsi markaður og með þessu móti er væntanlega ódýrara að ferðast. Og við viljum hafa val.

[Jón Bragi Sigurðsson, 23.1.2010 kl. 17:50]

Já það er svo sannarlega rétt hjá þér að það hefur orðirð ódýrara að ferðast. 1991 flutti ég út og vildi kaupa miða aðra leiðina til Kaupmannahafnar í byrjun mars þ.e. utan ferðamannatíma. Miðinn átti að kosta 80 þúsund krónur ISK og þetta var fyrir 18 árum! Miða bara aðra leiðina var ekki hægt að fá. -Nei nei litli vinur, svoleiðis miða seljum vér ekki. Vesgú kaupa báðar leiðir eða vera heima hjá sér. Með einhverju afsláttardæmi var þó hægt að koma verðinu niður í 60 þúsund.

Tilkoma Iceland Express er sólskinssaga um það þegar frjáls samkeppni virkar eins og hún á að gera. Eða hvað skyldu þeir vera margir í dag sem þurfa að borga 60-80 þúsund fyrir aðra leiðina til Köben?

Flugleiðir stunduðu þann ljóta leik að láta Íslendinga niðurgreiða samkeppnina í flugi milli Evrópu og Ameríku. Það var að öllu jöfnu ódýrara að fljúga mill þessara tveggja heimsálfa með FL en að fljúga milli Íslands og Evrópu. Og að sjálfsögðu var bannað að stíga úr eða í flugvélina á Keflavíkurflugvelli. Þannig voru reglurnar og reglurnar voru settar af Flugleiðum.

Nú hafa þeir það þannig að þeir hafa hátt verð á fluginu Stokkhólmur-Keflavík á veturna þegar þeir eru einir á leiðinni en lækka það um leið og IE kemur inn á vorin. Í ofanálag eru þeir núna á þessari leið með Flugleiðaverð en IE-þjónustu þ.e. engar veitingar eða blöð um borð nema gegn gjaldi og ekki var boðið svo mikið sem uppá eina karamellu þó að flugið væri meira en klukkutíma of seint bæði til og frá Íslandi án nokkurra skýringa.

Ég bið til guðs að Flugleiðir fái aldrei aftur einokun á flugi til og frá Íslandi.