Gott mál - en svolítið 2007

Það er gott mál að halda upp á bronsið með stæl, en hefði þessum peningum nú ekki verið betur varið til að styrkja HSÍ til frekari afreka í framtíðinni...?

Eitthvað hlýtur svona flug að koma og flestir landsliðsmennirnir eru jú búsettir erlendis. En það virðist ætla að vera erfitt að koma þjóðarsálinni upp úr 2007 þankaganginum.

Varla stendur Icelandair eða Iceland Express undir þessum kostnaði, því þau standa vart svo vel fjárhagslega að þau geti staðið í svona bruðli.....

ÁFRAM ÍSLAND!

Flogið með landsliðið til Reykjavíkur

Athugasemdir

[Ásdís Sigurðardóttir, 1.2.2010 kl. 15:57]

Mér finnst þetta ekkert 2007, bara gott og gaman.

[Sigmar Þór Sveinbjörnsson, 1.2.2010 kl. 22:41]

Heill og sæll Ómar, er þetta ekki fullkomin og góð auglýsing fyrir báða aðila og landið okkar, ég tel þetta hið besta mál.

kær kveðja

[Ómar Bjarki Smárason, 2.2.2010 kl. 23:57]

Kannski er það líka svolítið 2007 að finnast þetta bara allt í lagi meðan þjóðin kveinkar sér yfir því hvað farið er illa með hana, Ásdís og Sigmar...?

En strákarnir stóðu sig vel og vonandi hafa einhverjir geta nýtt sér þetta til að vekja athygli á sér og sinni starfsemi. En ég efast um að við fáum meiri samúð hjá ESB ríkjum, eða Bretum og Hollendingum út á svona skrautsýningar...!

En við gætum vitanlega boðist til að lækka Icesave-skuldbindingar með því að kenna Bretum og Hollendingum handbotla svo þeir verði gjaldgengir í þeirri íþrótt. Degi Sigurðssyni virðist hafa tekist ágætlega upp með Austurríkismenn þannig að það er allt eins líklegt að það væri hægt að ná árangri með aðrar þjóðir líka..... Kannski arðræningjarnir og auðvisarnir sem búsettir eru í Bretlandi væru tilbúnir að fjármagna svona verkefni....?

[Anna Sigríður Guðmundsdóttir, 8.2.2010 kl. 02:01]

Ómar. Ég tek undir allt sem þú segir í þessum pistli.

Ég var dálítið sár yfir að strákarnir okkar sem gerðu afrek á Haíti fengu ekki sömu viðurkenningu. Þeir gerðu jú kraftaverk sem skilar miklu meir en bolta-börn með bolta-afrek sem fá svo borgað fyrir allan barnaskapinn? M.b.kv. Anna

[Ómar Bjarki Smárason, 8.2.2010 kl. 21:11]

Sæl Anna Sigríður og þakka þér fyrir innlitið. Og ég sem hélt að það nennti enginn að lesa bloggið mitt lengur, þannig að ég ákvað að taka mér hlé, eða alla vega slaka aðeins á í skrifunum.

Mbk, ÓBS