Kannski fara bresk stjórnvöld að átta sig

Það verður fróðlegt að fylgjast með því hvernig bresk stjórnvöld bregðast við í þessum málum og hvort þau fari kannski að átta sig á hvern þátt breska kerfið, breskir bankar og fjármálaeftirlit átti í hruni íslenska efnahagskerfisins.

Það að virtustu mats- og eftirlitsaðilar skuli ekki hafa áttað sig á því hvers konar skrípaleikur íslenska fjármálakerfið var er náttúrlega bara tragetískur brandari og kannski ekki skrýtið að Kaupþing skuli hafi valið John Cleese til að leika í auglýsingum bankans!

Það mátti öllum ljóst vera að hlutabréfamarkaðurinn íslenski var hringekja þar sem fáeinir einstaklingar véluðu með fé almennings og héldu uppi gengi bréfa með því sem hlýtur að flokkast undir innherjaviðskipti, þegar grannt er skoðað. Og þetta var allt gert með samþykki fjármálaeftirlits, Seðlabanka og stórum alþjóðlegum endurskoðendaskrifstofum með flottum erlendum nöfnum....

Það kemur væntanlega í ljós á næstu vikum og mánuðum hvort íslenskt réttarkerfi ræður við þær stærðargráður sem um er að tefla í þessum málum öllum eða hvort nauðsynlegt verður að reka þessi mál á erlendri grundu. Kannski endar með því að "íslensk þjóð" verður að höfða einkamál til að ná fram réttlæti í þessum málum. En vonandi leysist úr þessu án þess að til þess þurfi að koma, þó það blasi kannski við varðandi kaupleigusamninga og myntkörfulán. Þar þurfa almenningur og fyrirtæki að fá leiðréttingu á sínum forsendum einstaklinga en ekki kröfuhafa gömlu bankanna, sem nú raka saman fé upp í þann skaða sem þeir urðu fyrir, og íslensku almenningur greiðir það með bros á vör eins og flest annað.... þó menn geri það kannski ekki skælbrosandi.....!!!

Jón Ásgeir í The Times

Athugasemdir

[Eyjólfur Sturlaugsson, 13.5.2010 kl. 13:42]

"breska kerfið, breskir bankar og fjármálaeftilit"  áttu ekki á nokkurn hátt þátt í íslenska hruninu.  Um það sáu Íslendingar alveg sjálfir.

[Ómar Bjarki Smárason, 13.5.2010 kl. 13:55]

Okkar menn fengu nú að dingla nokkuð frjálst í Bretlandi og virðast jafnvel hafa gert það framundir þennan dag. Og þeir fengu fyrirgreiðslu í breskum bönkum og hefðu tæpast getað stundað þau viðskipti sem þeir áttu í þar nema með samþykki bresku bankanna. Þannig ber breska kerfið að hluta til ábyrgð í þessu máli öllu saman, þó hún sé að stærstum hluta íslenskt vandamál.....

[Guðmundur Ásgeirsson, 13.5.2010 kl. 19:27]

Eyjólfur: breskir bankar og eftirlitsstofnanir bera að sjálfsögðu ábyrgð á bankahruninu, í Bretlandi. Ólíkt hruninu hér á Íslandi sem er nú rannsakað eins og það glæpamál sem það er, þá var ekkert gert til að rannsaka glæpi bresku bankanna sem leiddu til hruns þeirra, heldur voru breskir skattgreiðendur einfaldlega látnir bæta tjónið og svo var haldið áfram eins og ekkert hafi í skorist. Og þetta er ekki í fyrsta sinn sem breskur almenningur má þola slíka meðferð, gegnum tíðina hefur það verið að jafnaði á nokkurrra áratuga fresti.

Það er algengur misskilningur að íslensku bankamennirnir hafi einhvern veginn fundið upp fyrirbæri eins og fjársvik og skjalafals eða hafi verið að gera eitthvað nýtt og öðruvísi sem gerði þeim kleift að fremja svona mikla glæpi, eða að eftirlitið hafi verið svo miklu verra hérna. Þetta er bara áróður þeirra sem vilja líka láta íslensku þjóðina borga tjónið svo bankarnir geti haldið áfram eins og ekkert hafi skorist. Staðreyndin er hinsvegar sú að aðferðirnar sem þeir beittu voru ekki fundnar upp á Íslandi heldur í London City og á Wall Street, enda var það þar sem þessir menn lærðu til verka. Og eftirlitið þar er alls ekkert meira eða betra heldur en hérna, sé tekið tillit gríðarlegs stærðarmismunar þessara markaða.

Helsti munurinn er að á Íslandi var svikamyllan viðkvæmari vegna smæðar markaðarins, sem leiddi til þess að þegar einn féll um sjálfan sig fylgdu hinir með. Þar með var ekki lengur hægt að plástra yfir og halda áfram eins og ekkert sé. Stjórnvöld neyddust til þess að viðurkenna sannleikann um bankakerfið, sem er sá sami hér og allsstaðar annarsstaðar, að það samastendur ekki af einangruðum tilvikum smáglæpa heldur er það allt saman einn stór glæpur!

[Guðmundur Ásgeirsson, 13.5.2010 kl. 19:34]

Ómar: góður puntktur með John Cleese, fíflaskapurinn sem virðist hafa viðgengist í bankanum jafnast alveg á við Monty Python's Flying Circus, bara ekki eins fyndið fyrir okkur tjónþolana.