Á hverja er verið að setja þessi höft?

Þau eru skrýtin þessi gjarldyrishöft, sem virðast einkum sett á venjulegt fólk sem þarf að hafa eðlileg samskipti erlendis.  Á meðan virðast braskarar komast úr landi með heilu skjalatöskurnar af Evrum og væntanlega öðrum gjaldeyri líka og skipta þeim svo í erlendum bönkum og fá um 260 kr fyrir Evruna.  Svartamarkaðsgengið hér innanlands virðist svo vera a.m.k. um 200 kr fyrir hverja Evru á meðan skráð gengi er í kringum 170 kr.

Þarna er augljóslega verið að taka stöðu gegn krónunni og yfirvöld hlóta að hafa einhver ráð til að sporna við því.  Erlendu bankarnir sem standa í þessu geta tæplega talist stunda lögleg viðskipti, alla vega eru þau siðlaus.

Í Ástralíu er spurt hvort maður sé með meira en AU$10.000 þegar maður yfirgefur landið, í dollurum eða öðrum gjaldmiðli, en þetta erum um 1 milljón króna.  Það hljóta að vera einhverjar reglur um þetta hér.

Þaulsetin gjaldeyrishöft

Athugasemdir

[Svavar Friðriksson (IP-tala skráð) 14.5.2009 kl. 13:44]

Það eru því miður alltaf við, almenningur sem þurfum að blæða fyrir glæpahyskið!

Manni finnst ótrúlegt hvað fólk er rólegt yfir þessu því þetta er ekkert annað en viðbjóðslegt ofbeldi!

[Unnur Brá Konráðsdóttir, 14.5.2009 kl. 20:43]

Önnur góð spurning er: Hvað er verið að gera til að vinna að afnámi haftanna?