Hvað ef forsendur Magma Energy Group fyrir kaupunum standast ekki?

Maður veltir því fyrir sér hvað kann að gerast ef forsendur Magma Energy Group fyrir kaupunum á HS Orku standast ekki, því þeir virðast gera ráð fyrir því að geta virkjað yfir 600 MW af rafmagni á jarðhitasvæðum félagsins. Það hafa hins vegar verð áhöld um að þessi orka sé til staðar í virkjanlegu formi. Því gæti forsendubrestur hugsanlega leitt til þess að Magma dragi sig út úr kaupunum, eða fari fram á stórfelldar skaðabætur, þegar kemur að því að greiða af skuldabréfum eftir 7 ár. Hvar stöndum við þá með HS Orku og hver ber skaðann?

Í fréttabréfi Magma Energy Group er sagt frá því að fyrirtækið hafi undir höndum skýrslu frá óháðum matsaðila varðandi orkuforða jarðhitasvæða HS Orku. Eins og kemur fram í eftirfarandi er þessi óháði matsaðili verkfræðistofan Mannvit, sem til skamms tíma átti eða tengdist um 5% eignarhlut í Geysi Green Energy í gegnum VGK-Invest. "Magma has received an independent report on HS Orka's properties by Mannvit Engineering, a large Icelandic engineering firm specializing in geothermal energy engineering."

Rétt er að láta lögbæra aðila leggja dóm á það hvort verkfræðistofan Mannvit geti talist óháður matsaðili um orkuauðlindir í eigu félags sem þeir eiga eða áttu hlut í, en full ástæða er til að það verði kannað og hvort hugsanlega geti myndast skaðabótakrafa á íslenska ríkið, Orkuveitu Reykjavíkur eða aðra opinbera aðila vegna þessa gjörnings. Við höfum brennt okkur á Icesave og ástæðulaust er að við brennum okkur aftur að ástæðulausu.

Vonandi sér iðnaðarráðuneytið og Orkustofnun ástæðu til að fara vandlega yfir þetta mál.

Nánara lesefni er að finna á: http://omarbjarki.blog.is/blog/omarbjarki/entry/992888/

 http://www.ruv.is/heim/frettir/frett/store64/item287886/

 http://ruv.is/heim/frettir/frett/store64/item317046/

 http://www.dv.is/frettir/2009/7/11/mannvit-a-hlut-i-gge-i-gegn-um-vgk-invest/

http://salvor.blog.is/blog/salvor/entry/945709/

 

Greiðir 12,7 milljarða fyrir 32% hlut í HS Orku