Fleiri atvinnulausir og fleiri starfslokasamningar!

Það þarf nú að ígrunda svona breytingar vel og sjá hvað þær í raun kosta og hvort sparnaður verður nokkur þegar upp er staðið.

Af hverju ekki að einbeita kröftunum að uppbyggingu frekar en niðurrifi...? Hver ætli verði mismunurinn á launum þeirra sem missa störfin og töpuðum sköttum að viðlögðum atvinnuleysisbótum....?

Landið eitt skattumdæmi

Athugasemdir

[Alli, 17.12.2009 kl. 15:15]

Já Ómar, og niðurskurðurinn fyrst á landsbyggðinni þar sem þenslan ver mest, eða hvað? 

Heldurðu að ríkisstjórnin þori að hreyfa við því sem mest hefur blásið út síðustu árin, þ.e. ráðuneytin?

[Anna Sigríður Guðmundsdóttir, 17.12.2009 kl. 16:24]

Hvað með bankana og þá sem eiga þar stórar fúlgur fjár sem stolið hefur verið frá aumum verkalýðsþrælum. Það er nefnilega þannig að peningar skapast með striti og vinnu. Peningar sem vaxa á tránum eru stolnir. Þannig virkar réttlætið hjá fólki með réttlætiskennd fyrir alla.

Þeir sem eiga meir en svo að allur þeirra starfs-aldur hefði ekki dugað með 12 tíma vinnu og striti til að skapa það sem þeir eru taldir eiga er að sjálfsögðu komið frá fátækum þrælum. Hvað finnst fólki um það? Hvar er virðingin og réttlætið sem þjóðin öll krefst?

[Ómar Geirsson, 17.12.2009 kl. 20:04]

Blessaður nafni.

Þú ert að minnast á eitthvað sem skynsamt fólk spáir í.  Til dæmis hefur Lilja Mósesdóttir ítrekað bent á þetta samhengi.

En hún á ekki marga sína líka á ríkisstjórnarheimilinu.

Og svo langar mig að taka undir með henni Önnu, "Hvar er virðingin og réttlætið sem þjóðin öll krefst?"

Er það ekki málið sem við öll þurfum að spyrja okkur?

Kveðja að austan.

[Ómar Bjarki Smárason, 21.12.2009 kl. 13:32]

Sæl nafni. Þakka komment. Og þetta er mikið rétt hjá Önnu. Virðingin fyrir fólkinu í landi og réttlætið eru víðsfjarri, því miður.

Og það síðasta sem verið er að gera í atvinnumálum varðandi Gagnaverið gengur verulega á réttlætiskenndina einnig. Ef Björgólfi á að líðast það að arðræna þjóðina eina ferðina enn...