Getur barn tekið ákvörðun um að það óski eftir umskurði?

Umskurður hlýtur að teljast til níðingsverka og það verður að teljast afar ósennilegt að ungabörn geti tekið um það meðvitaða ákvörðun að það vilji þá vafasömu læknisþjónustu sem umskurður er. Trúarskoðanir foreldra ætti ekki að virða ofar mannréttinda og ákvörðun einstaklings til sjálfsákvörðunar um það hvernig farið er með líkaman hans eða hennar.

Væri ekki rétt að stjórvöld hér á landi tækju frumkvæði í þessum málum. Tíma Alþingis væri betur varið í að gæta hagsmuna einstaklinga, ungra sem aldraða, fremur en ómarkvissar sameiningar ráðuneyta með tilheyrandi kostnaði. Það mætti líka ýmislegt gera fyrir það fé sem sparaðist með ómarkvissri "hagræðingu" ríkisstjórnarinnar.

Norskt smábarn lést eftir umskurð

Veghefill...?

Síðan hvenær hefur þetta tæki verið kallað "veghefill"....?

Veghefillinn sat pikkfastur

Gott að einhver segir forseta Alþingis fyrir verkum!

Það er gott til þess að vita að það eru einhverjir sem halda Alþingi við efnið og sjá til þess að starfi samkvæmt því sem umbjóðendurnir óska, jafnvel þeir sem telja sig betur komna með búsetu og starfsemi erlendis.....

Ætli það sé annars kominn verðmiði á Alþingi og menn séu farnir að huga að því sem fjárfestingarkosti....?

Ritaði forseta Alþingis bréf

Er kannski ástæða til að gleðjast...?

Af því að jólin nálgast, er ekki ástæða til að gleðjast yfir því að fólk gangi frjálst úr dómssal svona rétt fyrir hátðiarnar....? Við verðum væntanlega að treysta því að þeir sem veljast til dómarastarfa séu vandanum vaxnir, ella er illa komið fyrir okkar ágæta þjóðfélagi. Og varla er það sakborningum að kenna þó þeir hafi fé á nægt fé á milli handa til að standa straum af þeim kostnaði sem vörn þeirra kostar. Fé sem dómsstólar munu væntanlega komast að að fengið var með lögmætum hætti. Er þá yfir einhverju að kvarta? Er ekki ábyrgðin frekar þeirra sem setja lögin og eiga að fylgja þeim eftir...? Leikreglurnar þurfa að vera skýrar og þeir sem bera ábyrgð á reglu og lagaverki sem ekki virkar hljóta að verða dregnir til ábyrgðar, eða hvað?

Ef saksóknari og rannsakendur mála eru ekki að standa sig, þá hlýtur að vera spurning um hvort ekki er rétt að leggja þessi embætti niður. Það er varla hægt að bjóða þjóðinni upp á það að henni sé haldið í gíslingu rannsókna árum saman án þess að niðurstaða fáist í mál. Þá er betra að nýta fé og peninga til verkefna sem nýtast þjóðinni betur s.s. í heilbrigðiskerfið og ummönnun aldraðra. Og til að ná einhverju af hugsanlegu sjálfökufé þeirra sem hafa haft sérstaka aðstöðu til að skara meira að sinni köku en eðlilegt getur talist mætti hugsa sér að skattleggja sérstaklega þá sem eru með óeðlilega margföld eftirlaun eða koma á "skilagjaldi" á grafarbakkanum....!

Óbjörguleg efnahagsbrotamál

Frjálsræðisflokkurinn

Nú er tækifæri að pakka saman lýðræðinu og taka upp "frjálsræði" í íslenskum stjórnmálum, ekki bara fyrir fólkið í landinu, heldur líka fyrir svínin, kjúklingana og hænurnar sem skaffa okkur eggin!

Frjálsræðið gæti haft mikil og jákvæð áhrif í öllum aðbúnaði þjóðarinnar auk þess að verða bylting atvinnugreinum eins og ferðaþjónustu. Hingað kæmi fólk í milljónavís til að upplifa þessa nýju stjórnarhætti, matarvenjur ásamt okkar villtu og frjálsu náttúru. Ísland yrði loksins lifvænlegt aftur!

Og það mikilvægasta er kannski að Ísland yrði besta og fremsta frjálsræðisríki heimsins bæði fyrir menn og skepnur. Hér yrði frjálsræðið svo mikið að lög og reglur yrðu skrifaðar og aðlagaðar að þörfum fólksins. Þannig mætti hugsa sér að við gætum t.d. sleppt því að byggja nýtt fangelsi, því það er með fanga eins og hænurnar og svínin sem rætt var um í Silfri Egils áðan að það er ekki hagur fanganna að vera lokaðir inni. Þeim leiðist í fangelsi og vilja komast út svo þeir geti framið sín afbrot. Fyrir þá mætti því hugsa sér að byggja afbrotagarða. Í staðinn fyrir að búa til númeraplötur fælist refsing þeirra í því að þeir væru skikkaðir til að vera "frjálsræðisbændur" á búum sem framleiddu lífræn matvæli í stórum stíl fyrir innlenda neytendur og til útflutnings. Þetta yrði mun heilsusamlegra líferni en það fyrirkomulag sem við höfum í dag þar sem menn og skepnur eru lokuð inni í búrum þar sem þau fá tæpast svigrúm til að hugsa eða hreyfa sig......

Ég verð að viðurkenna að ég hafði fram að Silfrinu í dag ekki mikla trú á pólitískum pælingum Guðmundar Steingrímssonar, en þátturinn í dag og þá sérstaklega viðtalið við dýralækninn um aðbúnað "matdýra" opnaði fyrir mér nýja sýna á þjóðfélagið; bæði mannlíf og dýralíf þessa lands!

Áfram Guðmundur Steingrímsson og Sif Traustadóttir. Þið gætuð ef þið legðuð saman skrifa nýjan kafla í sögu þessa "Bestalands"...... 

Nýtt fólk meldar sig daglega

Það birtir eftir fyrsta kaffibollan á morgnana

Þetta hljómar nú svipað og að halda því fram að það birti yfirleitt eftir fyrsta kaffibollan á morgnana....!

Það gæti verið allt eins líklegt að það sé vatnið sem  sígur niður í sprungurnar og hjálpar til við að smyrja misgengissprungufletina, fremur en efnisflutningar stutta vegalengd á yfirvoði, sem hjálpa til við að koma jarðskjálftum af stað. En gaman væri að kafa aðeins dýpra ofan í þessar rannsóknir.

Tengja fellibyli við jarðskjálfta

Fortíðarhyggjan sigraði....

Niðurstaðan í formannskjörinu sýnir hvað fortíðarhyggja flokksins er enn sterk. Það væri gaman ef gerð væri úttekt á því hverjir sitja í raun þessa Landsfundi og hve góður þverskruður hann í raun er að flokknum á Landsvísu. Þarna virðast fleistir þeir sitja sem einhvern tíma hafa komið að trúnaðarstörfum hjá flokknum og þá væntanlega hlutfallslega á kosnað þeirra sem í raun eiga að reka stefnu flokksins í dag. Og hinn óbreytti flokksmaður á kannski ekki svo mikið að segja þarna nema hann hafi komist i svæðisstjórnir eða eitthvað því um líkt. Hvað ætli hlut fyrrverandi þingmanna og ráðherra sé stór þana inni. Menn sem enn trúa þvi innst inni að Davíð og Friðrik séu kannski enn við völd....?

Flokknum mistókst að brjótast undan ættarveldinu og fortíðarhyggjunni og það á hann eftir að líða fyrir um ókomna framtíð. Það gæti liðið eitt kjörtímabil enn áður en hann fær brautargengi til þátttöku í ríkisstjórn á ný. Kannski er það hæfileg refsing fyrir það sem á undan er gengið.....?

Nú gæti þurft að gefa út leiðbeiningarbækling um það hvernig þeir sem hafa slæðst inn í þenna ættarveldisvef finna leið út úr vefnum aftur. Kannski þarf að gefa út bæklig eða leiðbeingar á netinu um það hvernig fljótlegast er að losna úr þessum ættarveldisvef.....?

En það er gott að formaður og varaformaður eru ánægð með endurkjörið og að Landsfundurinn sé stoltur af sínum verkum og kosninganiðurstöðu. En ansi voru það nú fáir sem komu að kosningunni, nema stór hluti atkvæða Hönnu Birnu hafi glatast og eigi enn eftir að koma fram. Slíkt hefur nú gerst í formannskjöri hjá öðrum flokki áður. Við ættum því kannski að lifa í voninni eitthvað fram í næstu viku og sjá hvað setur....?

Mín pólitíska framtíð óráðin

Land Cruiser?

Ætli þetta hafi verið Land Cruiser skopparakringla....?

Ultu í lausamöl á Dettifossvegi

Olíubrunnur

Hvað ætli það hafi nú tekið margar skóflur að grafa þennan brunn....?

 Væntanlega er þó hér átt við borholur, því brunnar verða varla grafnir á hafsbotni eftir olíu. Það væri þá efni í forsíðufrétt á Morgunblaðinu, ef svo væri.... Kannski fáum við frétt um það á næstu misserum að búið sé að grafa fyrsta brunninn á Drekasvæðinu.... Spurning hver fær að taka fyrstu skóflustunguna....!!!

Ætla að steypa olíubrunninn

Glæsilegt skref í útrásinni

Þetta er glæsilegt skref í útrás jarðhitaþekkingar og sérþekkingar okkar á sviði jarðborana við erfiðar aðstæður. Vonandi verður árangur af þessu góður og framhald svona verkefna í jarðhita og kaldavatnsöflun í Karabíska hafinu og Suður Ameríku.

Til hamingju með þetta ÍSOR og Jarðboranir.

Síðan er rétt að stefna að öflugri markaðssókn inn í Norður Ameríku í framhaldinu, en sú vegferð mun auðveldast þegar hægt er að sýna fram á góðan árangur íslendinga, ekki bara á Íslandi, heldur einnig á erlendum vettvangi. Í þessu tilliti er rétt að vanda val á verkefnum, þannig að líkur séu á góðum árangri, og láta öðrum eftir verkefni þar sem vonir um árangur eru vafasamari.

Það er greinilega að birta yfir íslensku jarðhitaútrásinni nú þegar þessi tvö fyrirtæki eru komin með verkefni í Karabíska hafinu, auk þess sem Jarðboranir eru með verkefni á Nýja Sjálandi og síðan ÍSOR ásamt Verkís í Chile og e.t.v. víðar. Síðan hafa Mannvit unnið að hitaveituverkefni í Ungverjalandi og víðar og EFLA hefur verið að vinna að verkefnum í Bandaríkjunum, Indónesíu, Króatíu og Tyrklandi.

Það eru greinilega að hefjast nýjir uppgangstímar í jarðhitaverkefnum Íslendinga og vonandi verður þessu fylgt eftir af krafti með menntun ungra vísnindamanna á þessu sviði. Þar þarf að vinna markvisst ef vel á til að takast því þær kynslóðir sem hafa verið frumkvöðlar á þessu sviði fara að nálgast eftirlaunaaldur og þörfin á endurnýjun í greininni því aldrei verið brýnni. Stjórnvöld og fyrirtæki á orkusviði þurfa að taka höndum saman og hvetja ungt fólk inn í jarðhitatengdar greinar í jarðvísindum og verkfræði og tryggja þarf að þeir sem reynsluna hafa séu til staðar til að leiða þessi verkefni þar til þeir yngri eru tilbúnir að taka við.

Jarðhitaklasinn gæti verið vettvangur til að styrkja og styðja við menntun og upplýsingamiðlun í jarðhitaverkefnum, en mikilvægt er að fyrirtækin hvert og eitt sinni útrásinni á eigin forsendum og byggi upp þau svið innan sinna fyrirtækja þar sem þau eru sterkust. Þannig farnast okkur best í slíkum verkefnum og það gefur best þann sveigjanleika sem nauðsynlegur er.

Rétt er að hafa í huga þó þessi verkefni komist af stað nú að þá er þetta brothættur markaður og lítið má út af bera. Þannig geta mistök eins fyrirtækis komið slæmu orði á okkar þjónustu en gott gengi eins getur líka orðið lyftistöng fyrir aðra. Samkeppnin á þessum markaði er hörð, bæði hvað varðar jarðvísinda og verkfræðiþáttinn. En þar sem tekjumöguleikar í svona verkefnum aukast verulega þegar kemur að hönnun og byggingu orkuvera, þá er mikilvægt að samið sé um heildarlausnir frá holu til Orku. Því er kannski mikilvægt að íslenskir byggingaverktakar fari að setja sig í startholurnar til að unnt sé fylgja þessum verkefnum eftir til enda, frá holum til notenda......!

Jarðhitarannsóknir í Karíbahafi