Messi klárar þetta....

Þeir félagar Messi og Tevez eiga eftir að klára keppnina fyrir Argentínu. Úr því að þeir komust vandræðalaust fram hjá Nígeríu verður fátt til að stöðva þá. Og Tevez og sérstaklega Messi geta gert út um leiki upp á sitt eindæmi, ef á þarf að halda. Áfram Argentína......

Leysigeisla beint að Argentínumönnum

Snjallt bragð....

Þetta er snjallt hjá Hönnu Birnu að bjóða sig ekki fram til varaformanns, sem segir náttúrulega ekkert um hvort hún sækist eftir formanninum eða ekki....

 En er ekki rétt að allir geri hrein fyrir sínum dyrum í þessum framboðsmálum. Ég er t.d. alveg ákveðinn í að bjóða mig hvorki fram til formanns né varaformanns.

Þetta hljóta að vera drepleiðinleg störf!

Og svo má ekkert í pólitík lengur og væntanlega fæst enginn í þetta þegar fram líða stundir, ef það er ekki hægt að hygla vinum og kunningjum lengur. Svo er vinnutíminn langur og kaupið lágt. Þeir sem eiga kost á öðrum störfum hljóta því í auknum mæli að sækja á önnur og öruggari og skemmtilegri mið.....

Hanna Birna býður sig ekki fram

Enda varla von því við erum ekki að sækja um aðild að ESB

Það er varla von að leiðtogar ESB taki það alvarlega þó Össur og Jóhanna séu að sækja um aðild að ESB og e.t.v. Vilhjálmur Egilsson líka, því Alþingi stendur ekki á bak við umsókn þeirra og því síður þjóðin. Þetta er bara einn skrípaleikur sem settur er á svið til að ríkisstjórnin komist hjá því að sinna þjóð sinni í vanda..... Sorglegt ef við þurfum að sitja uppi með hana öllu lengur. En líklegast fást engir til að taka við, nema einhver skrípaframboð sem gætu komið mönnum á þing núna því engum "fjórflokkana" er treystandi né verður treyst þangað til að búið er að skipta nánast öllum þeim út sem nú sitja á Alþingi, þó maður heyri í ræðum að þeir treysti sjálfum sér best sem sátu í fjármálafyrirtækjum og víðar í stjórnkerfinu sem kom okkur nánast á hausinn.....

Umsóknin er ekki á dagskrá

Þetta verður fróðlegt....

Það verður fróðlegt að fylgjast með hvernig maður af pólitík stendur sig í starfi borgarstjóra. Það vita allir hvernig borgarstjóratóllinn fór með Ólaf F, en sumir hafa komist í Seðlabankann eftir að hafa verið borgarstjórar. Og kannski stefnir Jón Gnarr þangað næst...?

Annars er spurning hvort ekki þarf að endurskrifa Kardemommubæinn eftir 4 ár þegar borgastjóratíð Jóns Gnarrs rennur út.... Og líkegt er að viðtalstímar borgarstjóra komi til með að slá áhorfsmet þegar þeir verða sýndir á Stöð 2!

Og það er gott að vita til þess að spillingin lifir með nýjum flokki, því hvað er Jón Gnarr að gera með að auglýsa bróður sinn?

Jón Gnarr verður borgarstjóri

Er eitthvað vit í ríkisstjórninni....?

Maður veltir fyrir sér hvort ríkisstjórn Jóhönnu Sigurðardóttir sé ekki versta og vitlausasta ríkisstjórn allra tíma. Hvaða vit er í því að eyða tíma í fækkun ráðuneyta og stofnana með tilheyrandi starfslokasamningum þegar önnur verkefni eru brýnni. Þetta er líkt og að fara í að taka til eða breyta húsinu sínu í skógareldi þegar ljóst að húsið muni brenna.....

Kosningúrslitin í Reykjanesbæ og e.t.v. einnig í Árborg gætu endurspeglað það vantraust sem fólkið ber til ríkisstjórnarinnar í atvinnumálum og uppbyggingu. Það þarf að nýta atvinnuvegaráðuneytin til að vinna uppbyggingu í stað þess að fara í niðurskurð og skapa glundroða í ráðuneytum og á stofnunum sem hugsanlega gætu stuðlað að auknum atvinnutækifærum og aukinni vinnu. Það hljóta að vera vafasamar sparnaðaraðgerðir að segja upp ríkisstarfsmönnum sem síðan lenda á atvinnuleysiskrá og atvinnuleysisbótum. Skárra er að borga fólki laun fyrir vinnu en aðgerðarleysi.... Þetta á við flesta, þó vissulega megi færa rök fyrir því að sumir strjórnmálamenn og ráðherrar væru betur komnir á atvinnuleysisbótum, svona þjóðhagslega séð......

Munum halda áfram okkar verki

Kannski.....

Jahá - kannski að tími ofurlögfræðinga og auðvisa sé nú loks liðinn og dómstólar farnir að taka tillit til heildarinnar og tími sérhagsmunagæslu hinna fáu ekki lengur í tísku. Það hljóta að verða viðbrigði fyrir suma að tapa málum sem þeir taka að sér fyrir hugsanlega fjárglæframenn, afætur eða afglapa, nema hvort tveggja sé....?

Máli Sigurðar vísað frá

Loksins - loksins - loksins gerðist eitthvað jákvætt í orkumálum þjóðarinnar

Það var nú mikið að það komu fram jákvæðar fréttir í orkumálum þessarar þjáðu þjóðar á norðurhjara veraldar. Loksins kominn alvöru eigandi að einu af stærri orkufyrirtækjunum.

Nú hækkar raforkuverðið upp í svona 20 kr/kWh til almennra notenda og rafmagn til húshitunar gæti í framhaldinu flótlega farið upp í 10 kr/kWh eftir niðurgreiðslur. Þá verður loksins hægt að fara að virkja jarðhita á þeim stöðum sem hafa þurft að keppa við ódýrt rafmagn.

Það jákvæðasta í þessu er kannski hvað ríkið kemur til með að græða mikið á þessu, því vsk og allir skattar í kringum raforkuna koma til með að hækka verulega í kjölfarið og þar með tekjur ríkissjóðs, án þess að ríkisstjórnin þurfi að grípa til sérstakara ráðstafana.

En það sem meira er, er nú kannski það að nú er komið á orkumarkaðinn á Íslandi alvöru fyrirtæki sem er komið hér til að græða peninga og það án þess að punga út of miklu fé sjálft, ef skilmálar kaupanna eru eitthvað í líkingu við fyrri samninga sem fjármagnaðir voru að stórum hluta með kúluláni til 7 ára. Í svona samningum er varla gert ráð fyrir að það þurfi að reiða fram peninga, því reksturinn er tryggur og auðvitað verða arðgreiðslur næstu ára notuð til að fjármagna kaupin, eða hvað.

Nú svo eru þessi kaup svona óbein tilfærsla á milli vasa, því er ekki fyrrverandi forstjóri Geysis Green og núverandi framkvæmdastjóri skúffufyrirtækisins Magma Enegy Sweden að kaupa hlut sem hann hafði áður umsjón með. Þannig að þetta er flutningu yfir í stærri vasa á nýrri buxum, eða þannig...!

Ráðherrar og þingmenn á stjórnarheimilinu hafa nú loksins eitthvað til að gleðjast yfir, því þeir eru með þessu komnir langt fram úr Sjálfstæðisflokknum í einkavæðinarmálum og það kæmi ekki á óvart þó Statoil/Norsk Hydro í Noregi eða eitthvað annað fyrirtæki yrði orðið eigandi Landsvirkjunar áður en sumarið er á enda runnið.... Þeirra tími hlýtur að vera kominn, eða hvað....?

Eða kannski það komi betur út fyrir þessa nýju eigendur orkufyrirtækjanna að flytja raforkuna út með rafstreng, þar sem miklu hærra verð fæst fyrir vistvæna raforku. Er ekki einmitt ráðstefna í uppsiglingu þar sem á að fara að uppfræða okkur um hvað það er hagkvæmt að flytja út raforku um rafstreng...? Það verður þá ekki stuðlað að mengandi starfsemi hér á landi og hægt að loka álverum. Og orkufyrirtækin hagnast vel og greiða væntanlega þokkalega skatta þannig að á endanum sitjum við hér venjulegir íslendingar í fáum arðgreiðslur af orkuverum og kannski á endanum líka af hagkvæmari fiskveiðum sem stundaðar verða af erlendum stórfyrirtækum á mun hagkvæmari hátt en við getum rekið slíka starfsemi. Og þá getum við öll setið heima, ferðast eða hvað við kjósum að gera og þurfum ekki lengur að þræla okkur út á vinnu.... Mikið skelfing verður þá gaman að lifa og ferðast í þessu fallega landi okkar......

Og nú þegar kvikan (magma) undan Eyjafjallajökli er að gera okkur lífið leitt er þá ekki frábært að það skuli vera komið hingað fyrirtæki, Magma, til að gera okkur lífið ögn bærilegra.... Kannski þeir geti líka tekið yfir tímabundið búskap undir Eyjafjöllum og létt aðeins undir með þeim sem glíma við kvikuna úr iðrum jarðar...?

Magma eignast 98,53% í HS Orku

Því miður...

Það má kannski segja að því miður hafi tveir í hópi færustu eldfjallafræðinga heimisins, þeir Þorvaldur Þórðarson og Steve Sparks, nokkuð til síns máls varðandi Eyjafjallajökul og eldvirkni á Íslandi. Það er varla hægt að gera ráð fyrir öðru en að virknin hagi sér eitthvað svipað og hún hefur gert í öðrum sögulegum eldgosum og við ættum að fagna því að breskir jarðvísindamenn taki þátt í rannsóknum með okkur, því samvinna á milli breskra og íslenskra jarðvísindamanna hefur verið mjög góð í gegnum tíðina.

Bretar taki þátt í rannsóknum

Ætli nokkur hafi bent....

Nú er spurning hvort Kaupþingsmanninum í London hafi verið bent á þá staðreynd að síðasti viðskiptavinur ofurlögfræðingsins, sem hann er búinn að ráða til að verjast íslenskum dómsstólum, var víst hengdur. Þetta mun hafa verið f.v. forseti Íraks.... Svo það er nú ekki sjálfgefið að varnarsigurinn sé í höfn þó lögmaður sé dýru verði keyptur..... Og kannski gengur ofurlögfræðingunum ekki vel að verja þá sem eru með upphafsstafinn S í nafninu sínu.... en etta á allt eftir að koma í ljós....

Hvað eru eignir?

Það er kannski vert að velta fyrir sér í þessu sambandi hvort yrfirveðsettar eignir séu skuldir eða eignir....? Þannig hlýtur að geta vafist nokkuð fyrir mönnum í svona stöðu hvað rétt er að setja á svona lista og hvað ekki. En vonandi eru skilaboð þeirra sem biðja um svona sundurliðun nokkuð skýr.....

Fær frest fram á mánudag