Flýta má ferlinu með vír milli lands og Eyja!!!

Fyrir nokkrum árum rakst ég á grein einhvers staðar þar sem greint var frá því að vír sem strengdur væri á staði þar sem set safnast fyrir myndi flýta fyrir setsöfnuninni.

Með hliðsjón af þessu sendi ég, í gríni meira en alvöru reyndar, ábendingu til Siglingastofnunar um það að hækka sjávarbotninn með því að strengja vír á milli lands og Eyja, þó vissulega þyrfti að strekkja reglulega á vírnu sem auðvitað leiddi til þess að Eyjarnar drægjust smám saman nær landi....!

Það er kannski rétt að dusta rykið af þessu nokkurra ára gamla tölvubréfi, sérstaklega með tilliti til aukins framburðar sets í kjölfar gossins í Eyjafjallajökli....? Eða er ekki allt vinnandi til þess að Árni Johnsen fái að klippa á langþráðan borða til að fagna vegtengingu á milli lands og Eyja....!!!

Mun Bakkafjara umlykja Eyjar?

Athugasemdir

[Kolbrún Hilmars, 6.9.2010 kl. 23:11]

Já er það ekki gott ráð, Ómar?  Ég var einmitt að hugsa hvort ekki mætti koma upp einhvers konar neðansjávargirðingu/neti til þess að hemja sandinn?  Þú ættir endilega að dusta rykið af þessari hugmynd. 

Ekki þó endilega Árna vegna 

[Ómar Bjarki Smárason, 6.9.2010 kl. 23:30]

Það er bara spurning það, Kolbrún, hvort góð ráð geta ekki orðið of dýr....Allra vegna....!!!

[Ár & síð, 7.9.2010 kl. 14:27]

Ég myndi nú frekar strengja þennan vír langsum á milli lands og Eyja.