Gæti vel hugsað mér að taka fyrir flugvallarskipulag og hafnarmannvirki í borgum

Þetta eru góðar fréttir því í Harvard hvu þeir leggja sérstaka áherslu á mikilvægi flugvalla fyrir þróun viðskipta og bætt búsetuskilyrði í nútíma borgarsamfélögum.....

Vonandi feta fleiri menn og konur með áhuga á borgarskipulagi framtíðarinnar í fótspor Gísla Marteins og halda grunnnáms og framhaldsnáms í borgarskipulagsfræðum. Það má t.d. hugsa sér að einhverjir kynni sér mikilvægi þess að halda svæðum næst strandlengju og höfnum borga auðum svo íbúar borga geti notið návistar við hafið án þessa að illa skipulögð háhýsahverfi skyggi á ánægju þeirra....

En hvar ætli maður geti nálgast styrki til að komast í svona nám og það án þess að þurfa að sýna fram á námsárangur í prófum. Varla lánar LÍN til svona náms þannig að hugsanlega er rétt að leita til verktakafyrirtækja sem áhuga hafa á því að fylla í tóma byggingareiti í borgarlandinu og á öðrum þéttbýlissvæðum landsins. Kannski maður setji auglýsingu í blöðin eftir Páskahátíðina þegar þeir sem ráða fjárveitingum stórfyrirtækja fara að týnast aftur til landsins úr skíða- og golfferðum......!

Gísli komst inn í Harvard

Merkileg frétt um mikla orku

Þessi frétt í Morgunblaðinu í morgun er merkileg fyrir margra hluta sakir. Eins og oft er með fréttir þá er það oft merkilegt sem ekki er sagt en þessi hola var því miður boruð andi nærri holu sem ref allt af sér vegna þess að ekkert réðst við hana og úr varð "Sjálfskaparvíti".

 Það þurfti því ekki að koma neinum á óvart að IDDP-1 holan hitti á kviku rétt neðan við 2 km dýpi. En vissulega leystu Jarðbornanmenn úr þeim vandmálum sem upp komu á snilldarlegan hátt og margt hafa menn lært á þessari holu þó hún næði ekki því markmið að vera bæði djúp og heit og endaði bara með því að vera heit. Og það mjög heit.

En að líkja þessari holu við "Enhanched Geothermal System" (EGS) finnst mér nokkuð langt út af leið farið í skilgreiningum á því hugtaki. Í einfeldni minni hélt ég að EGS kerfin byggðu á því að boraðar væru a.m.k. tvær holur og að bergið á milli þeirra væri brotið háþrýstingi og síðan væri vatni dælt ofan í eina og upp úr annarri. En maður lærir alltaf eitthvað nýtt....

Af þeim krækjum sem fylgja hér að neðan að dæma að þá sýnist mér ég þó e.t.v. hafa eitthvað til míns máls og e.t.v. þurfa viðmælandi og greinarhöfundur að skerpa aðeins á hugtakanotkuninni....? Dæmi hver fyrir sig!
https://www.google.is/search?q=enhanced+geothermal+systems&client=firefox-a&hs=fGn&rls=org.mozilla%3Aen-GB%3Aofficial&channel=sb&tbm=isch&tbo=u&source=univ&sa=X&ei=fbMyU4jmOqnT0QWNuICQAw&ved=0CDgQsAQ&biw=1476&bih=852&dpr=1.25

http://egec.info/wp-content/uploads/2013/06/Fact-Sheet-on-EGS-Why-it-is-different-from-shale-gas..pdf

Kvikuholan við Kröflu vekur athygli

Tækifæri ríkisstjórnarinnar....

Undarlegt er að horfa upp á ríkisstjórn með góða þingmeirihluta klúðra málum eins gjörsamlega og við höfum þurft að horfa upp á síðustu vikurnar. Væri nú ekki ráðlegra fyrir þá Bjarna og Sigmund Davíð að ganga nú hreint til verks og ljúka viðræðum við ESB með því að opna kaflana um sjávarútvegsmál og landbúnað á meðan þeir hafa tök á því að velja í samninganefndir og stýra viðræðum fyrir Íslands hönd frekar en að taka upp þessa einstrengingslegu stefnu að slíta viðræðum? Varla er betra að bíða með þetta þar til næsta ríkisstjórn tekur við, því ólíklegt er að þeir verði áhrifamenn í stjórnmálum eftir að þjóðin fær tækifæri til að kjósa til Alþingis næst.

Ef það er rétt sem stjórnarflokkarnir halda fram að það sé ekki hægt að semja við ESB um sjávarútvegs- og landbúnaðarmál þannig að viðunandi sé fyrir íslenska þjóð, þá yrði það endastöð í viðræðum og málið væri afgreitt. Líklegt verður að telja að niðurstaðan yrði með það afgerandi að það þyrfti ekki einu sinni að bera málið undir þjóðina. Þá væri málið dautt og ríkisstjórnarflokkarnir fengju uppreisn æru.

Skoðanakannanir benda til þess að þjóðin vilji ljúka viðræðunum við ESB og stuðningur við það er samkvæmt skoðanakönnunum svo afgerandi að óþarft ætti að vera að efna til þjóðaratkvæðagreiðslu um málið. Skoðanakönnun er í raun nóg til þess að ríkisstjórnin endurskoði afstöðu sína og hefji viðræður að nýju eða segi af sér ella. Valið er þeirra annars er tiltrú hennar hjá þjóðinni ekki lengur fyrir hendi.

Reyndar er það margt annað en ESB málið sem ríkisstjórnin er í vandræðum með og þyrfti að taka sig á ef hún á að halda út kjörtímabilið. Hvort hún gerir það eða ekki kemur væntanlega í ljós á næstu vikum og þá er spurning hvort öðrum hvorum flokknum verður skipt út fyrir Samfylkingu og VG eða Bjarta framtíð....?

Það væri áhugavert að skoða hverju við gætum náð fram í viðræðum um sjávarútvegs- og landbúnaðarmál. Gætum við t.d. fengið hingað eftirlitsstofnanir eða myndi ESB styrkja ræktunarstarf og hugsanlega kynbætur í sauðfjárrækt og nautgriparækt, mjólkurafurðum eða væri hugsanlegt að við gætum fengið hingað til lands stofnanir sem sinna eftirliti a Norðurslóðum? Gætum við fengið það fram að sjávarútvegsmálum ESB yrði stýrt frá Íslandi, af stofnun sem t.d. yrði staðsett á Austurlandi. Slíkt myndi styrkja alþjóðaflugvöllinn á Egilsstöðum þannig að hægt yrði að hefja þaðan reglulegt beint flug til Evrópu. Áhrif þess á byggðamál á Austurlandi gætu orðið gríðarlega mikil. Fleira mætti upp telja en ég læt staðar numið hér.

Guðbjörg Guðjónsdóttir (1928 - 2013)

Í dag, mánudaginn 30. desember, kvöddum við Guðbjörgu  Guðjónsdóttur (f. 22. ágúst 1928 og d. 8. desember 2013), eða "Göggu frænku" eins og hún var oft kölluð í daglegu tali innan stórfjölskyldunnar. Láretta Sigríður Sigurjónsdóttir (1894-1978), amma mín, og Guðleif Guðmundína Oddsdóttir (1904-1930), móðir Göggu, voru hálfsystur. Þrátt fyrir að móðir Göggu hafi dáið frá henni ungri hélst gott samband á milli hennar og móðurfólks hennar í gegnum Sigurjónu Soffíu Sigurjónsdóttur (1896-1990), sem bjó mestan sinn búskap að Freyjugötu 17B. Sigga systir (eins og amma kallaði hana og við auðvitað líka) var einhver sú glaðlyndasta og hláturmildasta manneskja sem maður hefur nokkru sinni kynnst, en sannaðist á henni máltækið góða "að hláturinn lengir lífið".

Mín fyrstu kynni af Göggu frænku áttu líklega upphaf árið 1964 þegar hún dvaldi hjá afa og ömmu á Giljum í Hvolhreppi í einhverjar vikur um sumarið ásamt dætrum sínum þeim Margréti og Guðrúnu Ínu. Þær voru þar til að kynnast almennum sveitastörfum auk þess sem Gagga kunni nokkuð til verka í eldhúsinu. Þeirri hliðinni fékk maður að kynnast vel þegar ferðum til höfuðborgarinnar fjölgaði og eftir flutning "suður" vegna náms og starfa. Þá átti maður hauk í horni í Einholtinu og þangað var gott að koma eftir göngu upp Laugarveginn upp að Hlemmi í góðar móttökur og spjall við ágæta frænku. Af hennar fundi fór maður vel nærður, bæði á sál og líkama. Því Gagga bar sannarlega velferð frændfólks síns fyrir brjósti og vildi leggja sitt af mörkum til að öllu liði sem best. Ef hún hélt að eitthvað bjátaði á hjá fólki bauðst hún til að sjá til þess að beðið væri fyrir viðkomandi. Hvort slíkt hefur skilað einhverjum árangri eða hversu trúaður ég var á slíkt er óþarfi að fara út í, en engum held ég nú að það hafi gert mein. Það var hlýlegt og notalegt að sitja og spjalla við þau hjónin Einar H. Hjartarson (1925-1995) og Göggu, en Einar féll frá allt of ungur rétt nýkominn á eftirlaun. Það sópaði af honum og maður komst ekki upp með neinn moðreyk í samræðum við bráðskemmtilegan rannsóknarfulltrúann.

Að leiðarlokum vil ég þakka fyrir að hafa fengið að kynnast Göggu frænku og fyrir einstaklega skemmtileg kynni í fjölmörgum heimsóknum mínum til hennar á háskólaárunum. Aðstandendum öllum votta ég mína dýpstu samúð. Það er ljúft í minningunni að hafa fengið að kynnast jafn heilsteyptri manneskju og hún Gagga frænka óneitanlega var.

Ómar Bjarki Smárason

Ónýtt aulind fyrir ríkissjóð og samneysluna

Það var áhugavert að hlusta á umræður með þeim Bjarna Benediktssyni og Katrínu Jakobsdóttur um fjárlögin. Skil ekki alveg hvað Sjálfstæðisflokkurinn er upptekinn af niðurskurði þegar við blasa augljós tækifæri til fjáröflunar fyrir ríkissjóð.

Augljósasti kosturinn er hækkun á virðisaukaskatti á veitingaþjónustu, því ferðamenn sem hingað koma þurfa að nærast oft á dag. Hvaða vit er t.d. í því að þegar ferðamaður kaupir máltíð fyrir 5000 krónur borgi hann einungis tæpar 330 krónur til samneyslunnar? Þessu þarf að breyta þannig að af þessari upphæð séu greiddar sanngjarnar 1016 krónur til samneyslunnar.

Sama má segja um gistingu. Það er hægt að hætta öllu tali um sérstök kort til sem veita aðgang að náttúruperlum. Það er miklu nær að taka það gjald inn með virðisaukaskatti á gistingu, sem nota bene, ferðamaðurinn greiðir raun en ekki sá sem veitir þjónustuna. Þarna eru miklu meiri fjármunir í húfi en það sem hugsanlega er hægt að ná með einhverjum klippikortum, auk þess sem innheimtukerfið er nú þegar til staðar.

Vonandi opna fjárlaganefnd og fjármálaráðherra augun og sjá þær leiðir sem við blasa til fjáröflunar frekar en að leggjast í sífelldan niðurskurð til að mæta útgjöldum. Ferðamönnum heldur áfram að fjölga og þeir þurfa líka í sumum tilfellum að nota heilbrigðiskerfið, auk þess sem þeir skilja eftir sig úrgang sem endar í fráveitum og sorpförgunarkerfum þjóðarinnar.

Það var athyglisvert að hlusta á umræðurnar um Ríkisútvarpið fyrri hluta þáttarins. Orð Mikaels Torfasonar vöktu mann til umhugsunar um þá fáránlegu "forgangsröðun" sem viðhöfð var í uppsögnum hjá Ríkisúrvarpinu nýlega. Þar er ráðist fyrst og fremst að þeim grunnstoðum sem Ríkisútvarpið á að snúast um, þ.e. Rás 1 og svo Kastljósið. Best væri ef Ríkisútvarpinu yrði gert fært að draga sig að mestu út af auglýsingamarkaði og sá tekjupóstur yrði látinn"frjálsum" stöðvum í té. Á móti þyrftu þær stöðvar þá líka að vera opnar með svipuðum hætti og ÍNN og N4. Auðvitað gætu þær rekið lokaðar rásir með svo sem Stöð 2 Sport. 

Stöndum vörð um menningartengt útvarp sem þjónar landsmönnum öllum, viðheldur menningu og tungumálinu sem vonandi ekki tapast vegna "ofbirtu" ofurfrjálshyggjunnar.....

Nú bíðum við bara eftir þeim B-vítamínbættu...

Það ætti að vera nokkuð ljóst af þessari frétt hvor stjórnarflokkurinn er áhrifameiri um þessar mundir, nema það hafi orðið að samkomulagi á milli flokkanna að Sjálfstæðisflokkurinn þyrfti að bæta aðeins í....

Ástæður þess að ekki er enn farið að bjóða upp á B-vítamínbætta sveppi gætu verið þær að stjórnarflokkarnir taki ekki þá áhættu að skerpa á minni fólks, en eins og alkunna er, þá bætir B12 minni fólks auk þess draga úr líkum á heilahrörnunarsjúkdómum....

Spurning hvort þetta fær umfjöllun í Kastljósi kvöldsins eða Sunnudagsmorgni með Gísla Marteini og hans gestum....?

Vítamínbættir Flúðasveppir væntanlegir á markað

Samfélagsábyrgð fyrirtækja - athyglisverð tillaga um fjármögnun jarðganga

Ingólfur S. Sveinsson, læknir, skrifar athyglisverða grein í Morgunblaðið laugardaginn 21. september um hugsanlegar leiðir til að flýta nauðsynlegum jarðgangaframkvæmdum.

Áhugavert væri að sjá samantekt á því hver raunkostnaður ríkisins er við jarðgöng, þ.e. hvað mikið af kostnaði kemur til baka í ríkisstjóð í formi skatta. Það mætti leita leiða til þess að örva nauðsynlegar framkvæmdir í vegagerð og á fleiri sviðum eins og t.d. orkusparandi aðgerðum.

Skrár tengdar þessari bloggfærslu:

• samfelagsabyrgd_210913.docx

Menningarsendiherra Íslands - góð tillaga hjá Styrmi....

Tek undir tillögu Styrmis um að Víkingur Heiðar Ólafsson, píanóleikari, fái hlutverk sem menningarsendiherra Íslands.

Hvet einnig alla til að horfa á þáttinn "Út úr dúr" á sjónvarpsrás allra landsmanna í kvöld.

Skrár tengdar þessari bloggfærslu:

• ututdur_21092013.docx

Íslenska fyrir erlenda bílstjóra...

Er nokkuð annað en að vera með spjald í öllum bílaleigubílum þar sem helstu merkingar eru þýddar á hin ýmsu tungumál. Enska er ekki mál Frakka, Spánverja, Ítala og margra annarra þjóðerna sem heimsækja okkur sem betur fer. Því væri rétt að rétta þeim skýrar leiðbeiningar auk þess að brýna fyrir þeim að taka sér tryggingu vegna hugsanlegra skemmda á bílunum lendi þeir í sandfoki eða öðrum óvæntum atvikum. En auðvitað er rétt að benda þeim á að forðast slíkar aðstæður eins og kostur er og fylgjast með eða spyrja um veður á þeim stöðum sem þeir heimsækja. Líka þarf að uppfræða þá sem koma hingað á eigin farartækjum einnig.

Í vikunni hitti ég franskt par á Austurlandi sem höfðu ekið um Hamarsfjörð á leið sinni frá Höfn til Egilsstaða. Þau höfðu greinilega ekki verið vöruð við því að þarna væri óveður og vegurinn í raun lokaður á vef Vegagerðarinnar. Þarna hefur vantað upp á upplýsingagjöf frá þeim sem þau gistu hjá á Höfn.

Bannað að birta „CLOSED“ á ljósaskilti

"Náttúrupassanum er sýnd veiði en ekki gefin"

Fyrirsagnir Morgunblaðsins gerast æ undarlegri og er fyrirsögn þessa pistils eitt dæmi um það, en hún birtist á forsíðu blaðsins 7. ágúst 2013.

Þessi fyrirsögn var lesin upp, án athugasemda á Rás 2 þann sama morgun.

Samkvæmt minni málvitund væri eðlilegra að fyrirsögnin hljómaði "Náttúrupassinn er sýnd veiði en ekki gefin" því tæplega er viðmælandi blaðsins  tala um að það eigi að sýna þeim passa, sem ferðamenn koma e.t.v. til með að bera, afla sem bátar koma með að landi án þess þó að þeim sé gefinn aflinn.... En auðvitað er athugandi að selja inn á hafnarsvæði þegar afla er landað því mörgum þykir það spennandi athöfn.

Vegna málfarsins á Morgunblaðinu veltir maður fyrir sér hvort prófessor Sigurður Líndal hafi ekki nokkuð til síns máls þegar hann ræðir um að laganemar séu illa skrifandi, sumir hverjir a.m.k. Í því sambandi er kannski rétt að skoða mál vel áður en farið verður að ráðum AGS um styttingu framhaldskólanáms þeirra sem hyggja á laganám eða anna langskólanám. Kannski þurfum við 4 ár í framhaldsskóla til að ná tökum á íslensku og öðrum tungumálum sem okkur er nauðsynlegt að hafa nokkur tök á.

En ætli það sé hugsanlegt að þeir sem stjórna fyrirsögnum á Morgunblaðinu þetta sumarið séu e.t.v. laganemar í starfskynningu.....?