Sýndarviðskipti og sýndarveruleiki....

Þeir Björgólfarnir áttu sem sagt aldrei Landsbankann og þetta voru allt sýndarviðskipti og þeir lifðu í sýnum sýndarveruleika....  þá má væntanlega líka færa rök fyrir því að þeir beri enga ábyrgð á skuldum sínum, eða hvað...? Fyrir svona smálánum til bankakaupa þarf væntanlega engin veð, bara nóg að brosa eða flagga gömlum dómum, sakarvottorðum, flokks eða ættartengslum. Það fá engir "heiðarlegir" menn svona fyrirgreiðslu í bankakerfinu!!!

Varar við borgarastyrjöld

Athugasemdir

[Ómar Bjarki Smárason, 7.7.2009 kl. 23:10]

Þetta er náttúrulega alveg bráðsnjallt og ég er ekki hissa á því að það fari í pirrurnar á þeim stjórnmálamönnum sem tóku þátt í að setja þessar reglur, eða "ruglur" sem auðvisarnir nýttu sér út í ystu æsar. Þeir áttu aldrei neitt og það verður örugglega ekki erfitt fyrir meðalgreinda lögfræðinga að sýna fram á sakleysi þeirra allra. Embætti sérstaks saksóknara og greiðslur til Evu Jolie eru því til einskis og rétt að láta þau hætta þessu strax og bara viðurkenna aumingjaskap kerfisins strax og sem útgjaldaminnst.....

[Anna Sigríður Guðmundsdóttir, 9.7.2009 kl. 22:27]

Ég vil nú hafa Evu Joly áfram. Hún hefur ekki og mun ekki kosta Ísland mest.

Samt þurfum við að vera meðvituð um að það er íslenska þjóðin sem síðast tekur afstöðu til hennar ráðlegginga og úrskurðar. Ekki að ég kvíði því neitt sérstaklega, heldur fylgir það með í þjóðar-sjálfstæðispakkanum að hafa sjálfstæða ábyrga skoðun á þjóðmálunum.

það er ekki hægt að henda ákvörðun um úrskurð alltaf til annara og kvarta svo yfir að þeir hafi ekki gert rétt. þessir þeir erum "við" þjóðin.

[Ómar Bjarki Smárason, 10.7.2009 kl. 00:27]

Það þarf auðvitað að rannsaka öll þessi mál, en ég óttast að það fáist engin niðurstaða einfaldlega af því að íslenskt réttarkerfi ræður ekki við þetta og stærðargráðan á þessu er langt utan við hugmyndafræði laganna. Lögin gera einfaldlega ekki ráð fyrir brotum af þessari stærðargráðu. Þetta á víst ekki bara við lögin hér á landi heldur í allri Evrópu. Lögin eru nefnilega sett til að vernda hinn sterka gegn hinum sem minna mega sín en ekki öfugt.