118

Þetta fyrirtæki ætti að hafa 118 manns í vinnu, hvorki fleiri né færri, ætli það að standa undir nafni. Betri auglýsingu gætu þeir varla fengið, eða hvað....?

Já segir upp starfsmönnum

Stöðugleikinn....?

Íslendigar láta nú ýmislegt yfir sig ganga til að ógna ekki stöðugleika "velferðarstjórnarinnar". Sætta sig við kvótakerfi sem gerir þá ríku ríkari og eru svo á góðri leið með að láta draga sig óviljuga inn í ESB.

Færeyingar eru sjálfstæð þjóð sem berst fyrir sínu og sínum og heldur sig frá kvótum og ESB og þyggja að launum góð það sem þeim ber..... 

Mótmæla lægra kaupi Íslendinga

Lítill hagvöxtur í AGS, núverandi ríkisstjórn og vegaframkvæmdum!

Ekki undarlegt að AGS komist að þessari niðurstöðu ef hann reiknar með að vera hér sjálfur við ráðgjöf í hagstjórn og gerir auk þess e.t.v. ráð fyrir því að núverandi valdhafar sitji áfram við völd....

Eða kannski að AGS sé að benda okkur á hversu mikill hagvöxtur felist í vegaframkvæmdum sem ganga helst út á kaup eða leigu á dýrum tólum og tækjum svo og rándýru eldsneyti..... Þurfum við ekki frekar að reyna að framleiða eitthvað og selja til að framkalla raunverulegan hagvöxt en ekki einhvern sýndarhagvöxt....?

Horfur einna dekkstar á Íslandi

Tóm vitleysa?

Það verður ekki annað lesið af þessari frétt að það stofna nýjan þingflokk hafi reynst "tóm vitleysa"... Alla vegar ber innihald fréttarinnar það með sér því þar reyndist ekkert skrifað.... Einstaklega áhugaverð og beinskeytt fréttamennska...!

Ekki tímabært að stofna þingflokk

Okkar efnilegasti stjórnmála maður - bjartasta vonin í íslenskri pólitík

Það er Íslendingum líkt að vilja losa sig við þá sem skara fram úr og eru heiðarlegir í  pólitík. Meðan svo er verður að teljast ólíklegt að þessari þjóð fari fram og nýtt Ísland verði nokkurn tíma endurreist á rústum þess sem hrundi haustið 2008.

Það að vilja bola í burtu einum efnilegasta stjórnmálamanni landsins, sem er tilbúinn að standa vörð um þau sjónarmið sem hann var kosinn til er alveg með eindæmum og sannast sagna stórfurðuleg afstaða. Maður hefði frekar búist við að "sannir" vistri menn tækju sjálfa sig og þá fulltrúa sem þeir kusu á Alþingi aðeins alvarlegar en þetta fremur en að fylgja forystu í blindni í þeim hliðarsporum sem hún tekur frá því sem lofað var fyrir síðustu kosningar. Leiðin á milli Grundarfjarðar og Brussel er greinilega farin að styttast ískyggilega mikið.

 Stattu þig Ásmundur Einar. Þú ert ein af okkar fáum sólargeislum í svartnætti íslenskrar pólitíkur.....!!!

Vilja að Ásmundur Einar segi af sér

Flott hjá ÍAV....

Það er frábært að íslenskir verktakar og verkfræðistofur skuli vera að ná árangri á erlendri grund. Hins vegar er spurning hvort það þurfi ekki eitthvað að fara að gerast hér innanlands til þess að Vilhjálmur Egilsson nái þeim 4-5% hagvexti sem hann þarf til að geta staðið undir þeim launahækkunum sem hann er að semja um.... Eða reiknar ríkisstjórnin og Seðlabankinn með því að við náum hagvexti og uppbygginu hér heima með peningasendingum frá íslenskum starfsmönnum sem vinna erlendis og senda fjölskyldum sínum hér heima peninga fyrir nauðþurftum þar til þær flytja út til þeirra....?

Kannski endum við með hagkerfi hér á landi sem byggir á vinnu fólks á erlendri grund og peningasendingum heim til ættingjanna. Alþingi ætti kannski að fara að hugsa fyrir lagasetningu sem byggir á því að elsti sonurinn vinni erlendis og sendi heim gjaldeyri eða aflandskrónur á meðan þær endast....!

Er ekki mál til komið að innlendar fjármálastofnanir og e.t.v. einstaklingar fjárfesti í innlendum verkefnum og tækifærum til þess að við náum að byggja hér upp lífvænlegt samfélag að nýju en missum ekki unga fólkið úr landi og sitjum hér uppi með þær 250.000 hræður sem ríkisstjórnin virðist ætla að hafa hér til frambúðar, eða svo er helst að sjá miðað við þá stærð skólakerfis og heilbrigðisþjónustu sem hér virðist gert ráð fyrir til lengri tíma litið....

ÍAV fær verkefni í Noregi

Undir Jökli?

Ég verð að viðurkenna að þó að ég sé Sunnlendingur átti ég von á því að sjá einhverja frétt um að allt væri í lagi undir Snæfellsjökli en ekki Eyjafjallajökli. Á Suðurlandi eigum við þrjá megin jökla, Tindfjallajökul, Eyjafjalljökul og Mýrdalsjökul. Það er því ekki til í minni sunnlensku málvitund að tala um eða vísa til Eyjafjallajökuls með þessum hætti, enda hafa Eyfellingar um aldirnar búið undir Fjöllunum en ekki jöklinum.

Kannski eru það áhrif frá Halldóri Laxness og Kristnihaldinu sem "undir Jökli" er svona grópað í málvitundina, en ég man ekki betur en að það sé studnum talað um fískirí undir Jökli líka og hélt að sú málvenja hafi komist á áður en að þeir urðu alvarlega kristnir á því svæði. Enþegar talað er um Snæfellsjökul með þessum hætti er það líklega venjan að jökullinn sé ritaður með stórum staf í styttingunni....?

En fyrir alla muni leyfum Eyfellingum að búa áfram undir hlýjum og stórskornum Fjöllunum frekar en að færa þá undir jökul.....!

Allt gott undir jökli

Tilraun til pólitísks andlegs ofbeldis....?

Í ljósi þess hvernig umheimurinn hefur tekið þeim úrslitum sem urðu í þjóðaratkvæði um Icesave má e.t.v. velta fyrir sér hvort stjórnvöld og Já-sinnar hafi ekki í raun verið að beita hræðsluáróðri sem flokka mætti undir "pólitískt andlegt ofbeldi" gagnvart kjósendum....?

Það væri gaman að sjá hvernig sérfærðingar í einelti og andlegum ofbeldismálum líta á þetta....

 

Leggja ekki stein í götu okkar

Stríðsmenn ESB...?

Erum við Íslendingar þar með orðnir stríðsmenn á vegum ESB í boði Samfylkingarinnar og Vinstri Grænna jafnvel áður en þjóðin fær að greiða því atkvæði hvort hún vill vera innan eða utan þeirra samtaka....? Hvar liggur samþykktin fyrir þessum gjörningi....? Hvar liggja mörkin á milli landamæragæslu og stríðsrekstur ef á skipið verður ráðist....?

Fáni ESB á varðskipinu

Forsetaefni

Þetta er mjög gott grunnnám til undirbúnings fyrir næsta húsráðanda að Bessastöðum. Maðurinn auk þess rökfastur, vel máli farinn á nokkur tungumál og kemur vel fyrir. Og svo væri upplagt að sinna fræðastörfum þegar lítið er að gera við að undirrita eða hafna lögum auk þess sem gott væri að hafa forseta í nokkur ár sem sæti heima við skriftir frekar en að ferðast heimshorna á milli. Þannig mætti halda kostnaði við þetta ágæta embætti í hófi þar til þjóðarbúið rétt úr kútnum..... Nú með smá lagafiffi mætti hagræða málum þannig að sami maður gegni bæði formennsku í litlum flokki samtímis setu á Bessastöðum. Það gæti verið sárabót fyrir það að missa herbergið góða í Alþingishúsinu..... Komist flokkurinn í stjórn mætti vel hugsa sér að sami maður gegni embætti forsætisráðherra og forseta samtímis, án afskipta forseta Alþingis og Hæstaréttar.... Af hverju ekki að einfalda stjórnskipunina og stytta boðleiðir í stjórnsýslunni.....?

Sigmundur Davíð gerir grein fyrir námsferli