Skýrir e.t.v. veðurlag á NA-landi...

Það er spurning hvort þetta er ástæðan fyrir óveðri undanfarna viku á Norðausturlandi? Betra er að hafa "Storminn" á DV en úti á landi..... En vonandi gustar um Sigurð áfrma hvað svo sem hann tekur sér fyrir hendur.....

Hættur hjá DV

Gott að eiga stuðning frjálshyggjunnar í Evrópuþinginu

Það er gott til þess að vita að við eigum einhverja talsmenn og stuðning í slag okkar við "hið illa ESB". Og ekki kemur sá stuðningur frá hinum sósíaldemókratísku flokkum, heldur Breska sjálfstæðisflokknum, sem styður lítilmagnana í norðri gegn ofuryfirráðaþankagangi valdhafanna innan ESB. Norðurlandaþjóðirnar, sem oft er haldið fram að séu okkur vinveitt, snúa við okkur bakinu í þessu máli eins og oft gerist þegar við þurfum mest á þeirra stuðningi að halda!

Það er fráleitt hjá ESB að fallast ekki á okkar kröfur af því hvað við höfum litla veiðireynslu í makríl. Hann er nefnilega nýlega farinn að ganga inn í okkar lögsögu og virðist vera farinn að aféta aðra fiskistofna og hafa hér meiriháttar áhrif á lífríkið. Við eigum því sterkan rétt á ríflegum "beitartolli" á móti því tapi sem við verðum fyrir í minnkandi veiðum á öðrum stofnum. Spurning hvað makríllinn étur mið af seiðum okkar nytjafiska, þorks, ýsu, og svo loðnu, sandsíli og aðra smærri fiska. Makríllinn fitnar varla af sjónum einum saman....

Ánægjulegt að styðja Íslendinga

Réttur barna til foreldra - er það ekki jafnrétti líka eða mannréttindi....?

Er nú ekki rétt að staldra við og velta fyrir sér hvort börn eigi ekki ríkari rétt til foreldra sinna en foreldrar til embætta...?

Ég skal alveg viðurkenna að Katrín hefur staðið sig frábærlega sem ráðherra og er mínu mati mjög hæf til þeirra starfa. Og það sýnist mér Oddný vera líka. Það væri því e.t.v. farsælli lausn að hún  gegni starfinu áfram fram til næstu kosninga svo tvíbuarnir hennar Katrínar fái að njóta návistar við móður sína og móðirin við þau.

Það má ekki ganga svo langt í jafnréttinu og jafnarðarstefnunni að það komi niður á smáfólkinu. Það þarf að hugsa um velferð einstaklinganna líka, barna og foreldra, ráðherra og þingamanna. Spurning hvort ekki sé ástæða til að "Barnaverndarnefnd" fjalli um svona mál....?

Katrín fjármálaráðherra

Getur barn tekið ákvörðun um að það óski eftir umskurði?

Umskurður hlýtur að teljast til níðingsverka og það verður að teljast afar ósennilegt að ungabörn geti tekið um það meðvitaða ákvörðun að það vilji þá vafasömu læknisþjónustu sem umskurður er. Trúarskoðanir foreldra ætti ekki að virða ofar mannréttinda og ákvörðun einstaklings til sjálfsákvörðunar um það hvernig farið er með líkaman hans eða hennar.

Væri ekki rétt að stjórvöld hér á landi tækju frumkvæði í þessum málum. Tíma Alþingis væri betur varið í að gæta hagsmuna einstaklinga, ungra sem aldraða, fremur en ómarkvissar sameiningar ráðuneyta með tilheyrandi kostnaði. Það mætti líka ýmislegt gera fyrir það fé sem sparaðist með ómarkvissri "hagræðingu" ríkisstjórnarinnar.

Norskt smábarn lést eftir umskurð

Veghefill...?

Síðan hvenær hefur þetta tæki verið kallað "veghefill"....?

Veghefillinn sat pikkfastur

Gott að einhver segir forseta Alþingis fyrir verkum!

Það er gott til þess að vita að það eru einhverjir sem halda Alþingi við efnið og sjá til þess að starfi samkvæmt því sem umbjóðendurnir óska, jafnvel þeir sem telja sig betur komna með búsetu og starfsemi erlendis.....

Ætli það sé annars kominn verðmiði á Alþingi og menn séu farnir að huga að því sem fjárfestingarkosti....?

Ritaði forseta Alþingis bréf

Er kannski ástæða til að gleðjast...?

Af því að jólin nálgast, er ekki ástæða til að gleðjast yfir því að fólk gangi frjálst úr dómssal svona rétt fyrir hátðiarnar....? Við verðum væntanlega að treysta því að þeir sem veljast til dómarastarfa séu vandanum vaxnir, ella er illa komið fyrir okkar ágæta þjóðfélagi. Og varla er það sakborningum að kenna þó þeir hafi fé á nægt fé á milli handa til að standa straum af þeim kostnaði sem vörn þeirra kostar. Fé sem dómsstólar munu væntanlega komast að að fengið var með lögmætum hætti. Er þá yfir einhverju að kvarta? Er ekki ábyrgðin frekar þeirra sem setja lögin og eiga að fylgja þeim eftir...? Leikreglurnar þurfa að vera skýrar og þeir sem bera ábyrgð á reglu og lagaverki sem ekki virkar hljóta að verða dregnir til ábyrgðar, eða hvað?

Ef saksóknari og rannsakendur mála eru ekki að standa sig, þá hlýtur að vera spurning um hvort ekki er rétt að leggja þessi embætti niður. Það er varla hægt að bjóða þjóðinni upp á það að henni sé haldið í gíslingu rannsókna árum saman án þess að niðurstaða fáist í mál. Þá er betra að nýta fé og peninga til verkefna sem nýtast þjóðinni betur s.s. í heilbrigðiskerfið og ummönnun aldraðra. Og til að ná einhverju af hugsanlegu sjálfökufé þeirra sem hafa haft sérstaka aðstöðu til að skara meira að sinni köku en eðlilegt getur talist mætti hugsa sér að skattleggja sérstaklega þá sem eru með óeðlilega margföld eftirlaun eða koma á "skilagjaldi" á grafarbakkanum....!

Óbjörguleg efnahagsbrotamál

Frjálsræðisflokkurinn

Nú er tækifæri að pakka saman lýðræðinu og taka upp "frjálsræði" í íslenskum stjórnmálum, ekki bara fyrir fólkið í landinu, heldur líka fyrir svínin, kjúklingana og hænurnar sem skaffa okkur eggin!

Frjálsræðið gæti haft mikil og jákvæð áhrif í öllum aðbúnaði þjóðarinnar auk þess að verða bylting atvinnugreinum eins og ferðaþjónustu. Hingað kæmi fólk í milljónavís til að upplifa þessa nýju stjórnarhætti, matarvenjur ásamt okkar villtu og frjálsu náttúru. Ísland yrði loksins lifvænlegt aftur!

Og það mikilvægasta er kannski að Ísland yrði besta og fremsta frjálsræðisríki heimsins bæði fyrir menn og skepnur. Hér yrði frjálsræðið svo mikið að lög og reglur yrðu skrifaðar og aðlagaðar að þörfum fólksins. Þannig mætti hugsa sér að við gætum t.d. sleppt því að byggja nýtt fangelsi, því það er með fanga eins og hænurnar og svínin sem rætt var um í Silfri Egils áðan að það er ekki hagur fanganna að vera lokaðir inni. Þeim leiðist í fangelsi og vilja komast út svo þeir geti framið sín afbrot. Fyrir þá mætti því hugsa sér að byggja afbrotagarða. Í staðinn fyrir að búa til númeraplötur fælist refsing þeirra í því að þeir væru skikkaðir til að vera "frjálsræðisbændur" á búum sem framleiddu lífræn matvæli í stórum stíl fyrir innlenda neytendur og til útflutnings. Þetta yrði mun heilsusamlegra líferni en það fyrirkomulag sem við höfum í dag þar sem menn og skepnur eru lokuð inni í búrum þar sem þau fá tæpast svigrúm til að hugsa eða hreyfa sig......

Ég verð að viðurkenna að ég hafði fram að Silfrinu í dag ekki mikla trú á pólitískum pælingum Guðmundar Steingrímssonar, en þátturinn í dag og þá sérstaklega viðtalið við dýralækninn um aðbúnað "matdýra" opnaði fyrir mér nýja sýna á þjóðfélagið; bæði mannlíf og dýralíf þessa lands!

Áfram Guðmundur Steingrímsson og Sif Traustadóttir. Þið gætuð ef þið legðuð saman skrifa nýjan kafla í sögu þessa "Bestalands"...... 

Nýtt fólk meldar sig daglega

Það birtir eftir fyrsta kaffibollan á morgnana

Þetta hljómar nú svipað og að halda því fram að það birti yfirleitt eftir fyrsta kaffibollan á morgnana....!

Það gæti verið allt eins líklegt að það sé vatnið sem  sígur niður í sprungurnar og hjálpar til við að smyrja misgengissprungufletina, fremur en efnisflutningar stutta vegalengd á yfirvoði, sem hjálpa til við að koma jarðskjálftum af stað. En gaman væri að kafa aðeins dýpra ofan í þessar rannsóknir.

Tengja fellibyli við jarðskjálfta

Fortíðarhyggjan sigraði....

Niðurstaðan í formannskjörinu sýnir hvað fortíðarhyggja flokksins er enn sterk. Það væri gaman ef gerð væri úttekt á því hverjir sitja í raun þessa Landsfundi og hve góður þverskruður hann í raun er að flokknum á Landsvísu. Þarna virðast fleistir þeir sitja sem einhvern tíma hafa komið að trúnaðarstörfum hjá flokknum og þá væntanlega hlutfallslega á kosnað þeirra sem í raun eiga að reka stefnu flokksins í dag. Og hinn óbreytti flokksmaður á kannski ekki svo mikið að segja þarna nema hann hafi komist i svæðisstjórnir eða eitthvað því um líkt. Hvað ætli hlut fyrrverandi þingmanna og ráðherra sé stór þana inni. Menn sem enn trúa þvi innst inni að Davíð og Friðrik séu kannski enn við völd....?

Flokknum mistókst að brjótast undan ættarveldinu og fortíðarhyggjunni og það á hann eftir að líða fyrir um ókomna framtíð. Það gæti liðið eitt kjörtímabil enn áður en hann fær brautargengi til þátttöku í ríkisstjórn á ný. Kannski er það hæfileg refsing fyrir það sem á undan er gengið.....?

Nú gæti þurft að gefa út leiðbeiningarbækling um það hvernig þeir sem hafa slæðst inn í þenna ættarveldisvef finna leið út úr vefnum aftur. Kannski þarf að gefa út bæklig eða leiðbeingar á netinu um það hvernig fljótlegast er að losna úr þessum ættarveldisvef.....?

En það er gott að formaður og varaformaður eru ánægð með endurkjörið og að Landsfundurinn sé stoltur af sínum verkum og kosninganiðurstöðu. En ansi voru það nú fáir sem komu að kosningunni, nema stór hluti atkvæða Hönnu Birnu hafi glatast og eigi enn eftir að koma fram. Slíkt hefur nú gerst í formannskjöri hjá öðrum flokki áður. Við ættum því kannski að lifa í voninni eitthvað fram í næstu viku og sjá hvað setur....?

Mín pólitíska framtíð óráðin